Saesneg (English)

 

Gwefan Dan y Cownter 3 yn fyw! 

Safle llwythiadau rhad ac am ddim yn adlewyrchu amser cyffroes i’r Sin Gerddoriaeth Gymraeg

 

Mae Dan Y Cownter 3 yn safle llwytho i lawr rhad ac am ddim @ www.danycownter.com sy’n cynnwys deg o draciau gan ddeg o artistiaid Cymraeg ifanc wahanol iawn - mae yna rywbeth at ddant pawb.

 

Nawr yn ei thrydedd flwyddyn, mae Dan y Cownter yn bartneriaeth rhwng Bwrdd yr Iaith Gymraeg a Sefydliad Cerddoriaeth Gymreig. Pwrpas yr albwm aml gyfrannog ar-lein hon yw adlewyrchu bwrlwm a chyfoeth cerddoriaeth gyfoes Gymraeg a denu mwy o bobl i ymddiddori yn y maes – trwy’r we.

 

Dewiswyd y 10 trac gan y DJ Huw Stephens o Radio Cymru a Radio 1 a grwpiau o bobl ifanc mewn gwahanol ardaloedd ar draws Cymru.

 

Dywedodd Huw Stephens : “Unwaith eto mae Dan y Cownter yn gasgliad cyffrous sy'n adlewyrchu rhai o gerddorion talentog a phrysur y sin. Fi'n sicr bydd llawer yn cael boddhad allan o'r caneuon yma, a gobeithio byddant yn creu argraff ar lawer o ffans newydd.”

 

Mae Dan y Cownter 3 yn cynnwys traciau gan Derwyddon Dr Gonzo, Cate Le Bon, MC Mabon, Messner, Mr Huw, Eitha Tal Ffranco, Fflur Dafydd, Mattoidz, Wrightoid a’r Diwygiad, ac felly’n cynnwys amrywiaeth eang o gerddoriaeth  -  acwstig, jazz, indie, roc a hip-hop. Mae’r wefan hefyd yn cynnwys llawer iawn o wybodaeth am y sin gerddoriaeth Gymraeg.

 

Am ragor o wybodaeth ewch i www.danycownter.com neu cysylltwch â post@danycownter.com / 029 20494110 am ragor o fanylion.

 

--------------

 

Gwybodaeth am yr Artistiaid

DERWYDDON DR GONZO
Mae Derwyddon Dr Gonzo yn fand gyda llawer o dalent gerddorol sy’n plethu amryw o arddulliau gwahanol gan gynnwys jazz ac electronica ac wedi’i dylanwadu gan fandiau megis Bonobo, Hextati, The Meters a hen afrobeat fel Fela Kuti.  Ers 2007, mae’r band wedi perfformio mewn nifer o gigs, recordio fideos ar gyfer y teledu ac ymestyn offerynnau pres y band gyda sax a thrymped newydd a bod yn ddrygionus yn gyffredinol!
www.myspace.com/derwyddondrgonzo

 

CATE LE BON

Mae Cate Le Bon wedi bod yn brysur yn ddiweddar, gan gynnwys cefnogi Gruff Rhys ar ei daith drwy’r DU, chwarae Glastonbury, Latitude a Gŵyl y Dyn Gwyrdd a chanu ar sengl ‘I Lust U’ gan y band Neon Neon (prosiect Gruff Rhys a Boom Bip).  Bydd EP swyddogol cyntaf Cate Le Bon yn cael ei ryddhau ar label eclectig Peski Mehefin 2008.

www.myspace.com/catelebon

 

MC MABON

Daw’r gân 'Be Di Be' sydd ar Dan y Cownter 3 o’r albym Jonez Williamz gan MC Mabon a chafodd ei recordio’n wyllt yn Gaiman, tref Cymraeg ym Mhatagonia, Ariannin, ac mewn amryw o stiwdios drwy Gymru yn ystod 2006 a 2007. Mae 'Jonez Williamz' yn drysor llawn anrhefn gyda geiriau lliwgar, hiwmor ac amryw o steiliau cerddorol. Mae’r albwm wedi’i hysbrydoli gan amryw o bethau od ac anhygoel o fyd llawn hyfrydwch MC Mabon, gan gynnwys “perros locos, stiwardes awyr, armadillos, gor-boblogi, cynhesu byd-eang, gwin a choffi!

www.myspace.com/mcmabon

 

MESSNER

Mae Messner yn aml-offerynwr sydd yn perfformio cerddoriaeth folktronica ar ei gitar a laptop fechan. Yn wreiddiol o Fangor, ond nawr yn byw ym Manceinion, dechreuodd Messner ysgrifennu cerddoriaeth dros Pasg 2007 a rhyddhaodd ei albwm gyntaf ‘em am’ ar ei label MoPaChi diwedd Ebrill 2008.

Cynhyrchwyd y trac yn ystafell wely Messner gydag ef yn chwarae pob offeryn.

www.myspace.com/messnermusic

 

MR HUW

Mae Mr Huw wedi bod yn chwarae ar ben ei hun ers dechrau 2006 efo'i ganeuon bachog dros ben. Efo cwmni ei gerddoriaeth cefndir, gitâr, allweddellau a'i simbal mae ganddo ddigon o gwmni a phethau i'w gwneud ar y llwyfan.

www.myspace.com/ymrhuw

 

EITHA TAL FFRANCO

Mae’n bosib mai dyma’r unig fand fyddech chi’n weld ar lwyfan y dyddiau yma efo dwy organ, gwalltiau o’r chwedegau a chaneuon yn amrywio o hanes athro yn lladd ei hun i gyfarwyddiadau ar sut i fwyta dy gymdogion. Mae’r ddau wedi rhyddhau eu halbwm ar label eu hunain ers dechrau 2008 ac mae eu halawon bachog a’u geiriau diddorol yn cyfuno i greu cyfanwaith cyffroes, er ychydig yn wallgof.

www.myspace.com/eithatalffranco

 

FFLUR DAFYDD

Mae Fflur Dafydd yn gantores ac yn gyfansoddwraig o Gaerfyrddin. Wedi potsian gyda'r band Y Panics, aeth ymlaen i berfformio fel artist unigol gyda'r blewiach-dros-ben - Y Barf.  Ers hynny mae hi wedi bod wrthi'n sgrifennu caneuon ar y gitâr acwstig, y piano a'r Fender Rhodes. 'Daw Dala Fe Nôl' o’r albym 'Un Ffordd Mas' sydd wedi’i haenu gydag offerynnau trydanol ac acwstig, gan gyfuno curiadau ffres a rhythmig gyda chanu angerddol, hypnotig.

www.myspace.com/fflurdafydd

 

MATTOIDZ

Band o’r Gorllewin yw Mattoidz a ddaeth i amlygrwydd drwy ennill cystadleuaeth brwydr y bandiau yn 2002. Ar ôl rhyddhau dwy EP, fe wnaeth Mattoidz rhyddhau eu albym cyntaf yn 2005 ac enillodd y band wobr Band y Flwyddyn yng ngwobrau roc a phop Radio Cymru yn 2006.  Mae Mattoidz yn cael eu hadnabod fel band sy’n gigio’n galed a bellach maent wedi rhannu llwyfan gyda The Automatic a Gruff Rhys o Super Furry Animals.

www.myspace.com/mattoidz

 

WRIGHTOID

Mae Wrightoid yn llyfrgellydd ym Mhrifysgol Bangor. Mae'n sgrifennu a pherfformio caneuon, fel arfer ar y gitâr. Roedd ganddo albwm allan ar label R-Bennig yn 2005, Mae o hefyd yn aelod o'r band Cymraeg tanddaearol 21 Chimneys. 

www.myspace.com/wrightoid

 

Y DIWYGIAD

Y Diwygiad yw prosiect Hip-Hop amlieithog y bardd a'r rapiwr Aneirin Karadog (Genod Droog) a'r cynhyrchydd/bitbocsiwr/rapiwr/DJ Ed Holden (Pep le Pew gynt, Genod Droog) sy'n anelu i gael pobl i fwynhau rapio ta beth yw'r iaith, boed yn Gymraeg, Saesneg, Ffrangeg, Llydaweg neu Sbaeneg!  Maent wedi cydweithio â'r artist electronig/arbrofol o Los Angeles, Daedelus ac yn mynd allan i gydweithio'n bellach gyda fe ym mis Gorffennaf ar eu halbwm cyntaf, 'Hymn 808'. Mae'r E.P. 'The Reformation' ar gael gan label Skipping Beats.   www.myspace.com/ydiwygiad

Neges gan Dai Llwyd:

HI, Dai Lloyd yma o'r Sefydliad Cerddoriaeth Gymreig. Dwi'n cysylltu i weld os allwch pasio peth o'r wybodaeth atodedig ymlaen, sydd yn sôn am prosiect "Dan Y Cownter 3" - deg trac iaith Gymraeg ar gael i'w lwytho i lawr o rhai o'r dalent gorau ifanc yng Nghymru. Wedi ei anelu'n bennaf at bobl ifainc, mae'r safle yn cynnwys llawer o wybodaeth am gerddoriaeth Gymraeg. 'Ta beth, os ewch chi at www.danycownter.com mi fyddwch yn gallu darganfod mwy, a fyswn yn gwerthfawrogi unrhyw hysbysrwydd y gallwch roi i'r safle.
Cysylltwch os ydych am ragor o wybodaeth (manylion isod)
Diolch

Dai

*/Gwefan Dan y Cownter 3 yn fyw!
Safle llwythiadau rhad ac am ddim yn adlewyrchu amser cyffroes i’r Sin Gerddoriaeth Gymraeg/*
Mae Dan Y Cownter 3 yn safle llwytho i lawr rhad ac am ddim @ www.danycownter.com <http://www.danycownter.com> sy’n cynnwys deg o draciau gan ddeg o artistiaid Cymraeg ifanc wahanol iawn - mae yna rywbeth at ddant pawb.
Nawr yn ei thrydedd flwyddyn, mae Dan y Cownter yn bartneriaeth rhwng Bwrdd yr Iaith Gymraeg a Sefydliad Cerddoriaeth Gymreig. Pwrpas yr albwm aml gyfrannog ar-lein hon yw adlewyrchu bwrlwm a chyfoeth cerddoriaeth gyfoes Gymraeg a denu mwy o bobl i ymddiddori yn y maes – trwy’r we.
Dewiswyd y 10 trac gan y DJ Huw Stephens o Radio Cymru a Radio 1 a grwpiau o bobl ifanc mewn gwahanol ardaloedd ar draws Cymru.
Dywedodd Huw Stephens : “Unwaith eto mae Dan y Cownter yn gasgliad cyffrous sy'n adlewyrchu rhai o gerddorion talentog a phrysur y sin. Fi'n sicr bydd llawer yn cael boddhad allan o'r caneuon yma, a gobeithio byddant yn creu argraff ar lawer o ffans newydd.”
Mae Dan y Cownter 3 yn cynnwys traciau gan Derwyddon Dr Gonzo, Cate Le Bon, MC Mabon, Messner, Mr Huw, Eitha Tal Ffranco, Fflur Dafydd, Mattoidz, Wrightoid a’r Diwygiad, ac felly’n cynnwys amrywiaeth eang o gerddoriaeth - acwstig, jazz, indie, roc a hip-hop. Mae’r wefan hefyd yn cynnwys llawer iawn o wybodaeth am y sin gerddoriaeth Gymraeg.

Am ragor o wybodaeth ewch i www.danycownter.com neu cysylltwch â post@danycownter.com / 029 20494110 am ragor o fanylion.
------------------------------
Dai Lloyd
Sefydliad Cerddoriaeth Gymreig
Welsh Music Foundation
33-35 Stryd Gorllewin Bute
Caerdydd / Cardiff
CF10 5LH
029 20 494110 - Swyddfa / Office
029 20 495446 - Uniongyrchol / Direct Line
dai@welshmusicfoundation.com
www.sefydliadcerddoriaethgymreig.com / www.welshmusicfoundation.com
www.danycownter.com - albwm o gerddoriaeth Gymraeg am ddim!